Ciclo Voices. Glen Hansard

O Ciclo Voices, tras sete temporadas na cidade de Pontevedra, comeza unha nova etapa para levar xiras de recoñecido prestixio a outras cidades galegas.

Trátase dunha proposta musical que transmite calidade, diversidade e paixón, e que aposta polas mellores voces do panorama musical actual. Este ciclo, que chegou a colgar o cartel de “sold out” en varias ocasións, trouxo a artistas de primeiro nivel como The Divine Comedy, Morcheeba, Jorge Drexler, James Rhodes, Lila Downs, entre outros.

Agora o ciclo Voices, xestionado pola promotora cultural I-radia Crea, inaugura a programación do próximo ano anunciando o concerto do artista irlandés Glen Hansard, que chegará á Sala Capitol de Santiago de Compostela o 19 de xuño de 2024, sendo a única data en Galicia dentro da súa xira europea.