Lyrics
Soi de Verdiciu,
nací a la vera
del Cabu Peñes,
xunto la mar;
nun hai tocinos
na mio panera
pero hai gabitos
au los colgar.
Despierto al riscar el alba,
tiro un blincu del xergón
y voi a coyer les berces
pa echar con fabes
y con llacón.
Si una vez o dos o tres
baxo a la villa al mecau,
todos me miren de llau
y dicen: neña que guapa yes!
Tienes el ritmu
Ritmu de Verdiciu
Ritmu, ritmu de Verdiciu
Tengu un mozacu
que me cortexa
y que me plizca,
faime rabiar,
y al verme berra
como una oveya
porque conmigo
se quier casar.
El diz que de molineru
gana todo cuantu quier
y que si nun ye en xineru
seré en febreru
la so muyer.
Si una vez o dos o tres
baxo a la villa al mecau,
todos me miren de llau
y dicen: neña que guapa yes!
Tienes el ritmu
Ritmu de Verdiciu
Ritmu, ritmu de Verdiciu
Ritmu, ritmu de Verdiciu
Tienes el ritmu
Ritmu de Verdiciu
Tienes el ritmu
Ritmu de Verdiciu.