Lyrics
الخط دا خطى والكلمة دي ليا
غطى الورق غطى بالدمع يا عينيا
شط الزتون شطى و الأرض عربية
نسايمها انفاسي وترابها من ناسي
وان كنت انا ناسي متنسنيش هيا
الخط دا خطى والكلمة دي ليا
لاكتب علي عيني يحرم عليكي النوم
واحبس ضياء عيني بدموعي طول اليوم
قبل الوفا بديني زي الصلاة والصوم
ده الدين في عرف الحر هم ومذلة ومر
وهموم تجيب وتجر احزان مخبية
الخط دا خطى والكلمة دي ليا
لاكتب علي كفي والحبر من دمي
ياعزوتي كفي ياهمتي ضمي
أول ما هنوفي بالوعد هنسمي
بسم اللي ماتوا صغار في المدرسة والدار
والمصنع اللي انهار فوق الصنايعية
الخط دا خطى والكلمة دي ليا
الخط دا خطى والكلمة دي ليا
غطى الورق غطى بالدمع يا عينيا
